Federata e Xhudos e Kosovës do të organizojë Kampin Ndërkombëtar Përgatitor të xhudos i cili do të mbahet për herë të dytë këtë vit, ndërsa tani nga data 18 deri 25 gusht në Qendrën Nacionale të Xhudos në Pejë.
Ky kamp do të mbledhë rreth 100 xhudistë e xhudiste nga 10 shtete të cilët/at do të kenë mundësi të stërviten nga Kryemjeshtri Driton Kuka, trajnerët Majlinda Kelmendi, Fatos Tabaku dhe të shkëmbejnë përvojat me gjithë komunitetin e xhudos të Kosovës.
Kampi Përgatitor është aktivitet që organizohet në kuadër të programit shtetëror “Kosova, shtet i xhudos” nën komponentën, “Diplomacia publike” që ka për qëllim zhvillimin e diplomacisë shtetërore të Kosovës përmes vlerave të xhudos.
Programi shtetëror “Kosova, shtet i xhudos” mbështetet nga Ministria e Kulturës, Rinisë dhe Sportit. /Njeshi/
