Trajneri i skuadrës nga Drenasi, Petrit Zeqiri u shpreh shumë i lumtur me trofeun e parë: “Po besoj që nuk ka qenë mision i lehtë triumfi në Kupë, kemi pasur ndeshje shumë të vështira deri në finale, kjo u vërtetua edhe në përballje me ekipin nga Gjakova, megjithatë lojtarët dhanë maksimumin dhe u kurorëzuam me vendin e parë”.-tha Zeqiri.
Në këtë ndeshje lojtari më i dalluar te Ferronikeli ishte Mustafë Merovci që realizoj 20pikë, ndërsa 6 sekonda pa përfunduar takimi Beqë Kovaçi u tregua i saktë në dy gjuajtjet e lira për tia dhënë fitoren ekipit të tij.
Zeqiri komentoj edhe përformancën e lojtarëve, ndërsa thotë se Kupën ia dedikon Drenasit dhe punëtorve të klubit:
“Secili prej tyre ishte në nivelin maksimal të detyrës, nuk kemi pritur të hasim në rezistencë kaq të madhe nga rivali, por eksperienca dhe përgaditja strategjike e ndeshjës erdhi në shprehje në momentet vendimtare, padyshim i falendëroj gjithësecilin prej tyre për angazhimin maksimal në këtë turne, dhe besimin e dhënë nga bordi i drejtorëve të Ferronikelit ndërsa këtë Kupë iu dedikoj të gjithë atyre që punojnë afër klubit dhe në veçanti banorëve të Drenasit.”-përfundon trajneri pejan Zeqiri
Ferronikeli është kanditati kryesorë për tu inkuadruar në Superligën e Basketbollit, Zeqiri shton se do të jetë pikërisht skuadra e Vëllaznimit rivali kryesor për një vend në këtë ligë./Njeshi
