Ish-Deputeti dhe ish-zv/kryeministri i Republikës së Kosovës, biznesmeni i njohur kosovar, presidenti i ‘Elkos Group-Etc’ Ramiz Kelmendi ka kujtuar sot pranverën studentore të brezit të tij, të demostratave të vitit 1981.
Kelmendi, politikan dhe sipërmarrës aktiv në procese, në memoarin e tij me këtë rast, paraqet shembullin e veprimeve të rinisë së brezit të tij, me atë se çfarë duhet vepruar rinia e popullit tonë edhe sot.
Postimi i plotë:
‘RETRO përpjekjet popullore për Liri e Pavarësi
Me emocion e krenari sot përkujtoj dhe krenohem me pjesëmarrjen time aktive dhe të brezit tim në demostratat e vitit ‘81, 11 e 24 Marsi dhe 1 e 2 Prilli.
Pjesëmarrja aktive në kohën kur isha student!
Me këto demonstrata, pjesëmarrësit ndryshuan rrjedhën e Historisë së kombit tonë. Rinia ja doli të tregonte se populli i Kosovës e kishte vendin në anën tjetër të botës demokratike.
Nga ajo ditë dhe gjer më tani pa rreshtur duke punuar, luftuar, vepruar vetëm e vetëm që të kemi një jetë demokratike, të lirë deri në përmbylljen e pavarësisë. Rinia e popullit tonë, edhe sot duhet të jetë promotor i zhvillimit, patriotizmit dhe le të nisemi nga një postulat të cilin po citoj; ‘Puno, Mëso, Jetoje jetën, lëviz lirshëm dhe zhvillohu, por mos e harro vendin tënd’
Lavdi të rënëve ndër breza për Liri, Demokraci e Pavari!’-shkruan Ramiz Kelmendi./Njeshi/
