Kelmendi shkruan për martirët e 4 fshatrave të Pejës: Idealet e tyre, detyrë për ne!

14 Maj 2024

Zv/Ministri i Arsimit Taulant Kelmendi, në cilësinë e Kryetarit të Vetëvendosje-së në Pejë, ka shkruar për homazhet dhe nderimet që dega e këtij subjekti bëri sot bashkë mr kryeministrin Albin Kurti në Qyshk, Zahaq, Llabjan e Pavlan, në 25 vjetorin e masakrave serbe këtu.

‘Detyra jonë është të vazhdojmë të luftojmë për vlerat dhe idealet për të cilat ata jetuan dhe vdiqën.’-potencoi mes tjerash ai.

Postimi i plotë:

‘Në 25 vjetorin e masakrës së Qyshkut, bashkë me kryeministrin e Republikës, Albin Kurti, ministra, zëvendësministra, deputetë, asamblistë dhe përfaqësues të Lëvizjes, kryem homazhe për të nderuar 118 qyetetarë të pafajshëm e të paarmatosur që u masakruan në këtë tragjedi të tmerrshme.

Së bashku me banorët e fshatrave Qyshk, Zahaq, Llabjan e Pavlan, kryem homazhe në vendet ku ndodhën masakrat, duke kujtuar dhe nderuar martirët e dëshmorët e rënë.

Kryeministri Kurti, shprehu mirënjohje dhe nderim të thellë për të gjithë ata që u sakrifikuan për lirinë e vendit. Ai theksoj se edhe pas 25 vitesh, emrat e të rënëve janë ende në kujtesën tonë, dhe detyra jonë është të vazhdojmë të luftojmë për vlerat dhe idealet për të cilat ata jetuan dhe vdiqën. Është detyra jonë të vazhdojmë luftën për drejtësinë e cila mungoj në ditën e 14 majit 1999 kur forcat serbe masakruan pamëshirë civilë të pafajshëm. Lavdi e përjetshme të gjithë dëshmorëve dhe martirëve!’-shkruan Kelmendi./Njeshi/