Kërkohet paraburgim për personin që u kap me 4 kilogramë marihuanë në Pejë

Prokuroria Themelore e Pejës, Departamenti i Krimeve të Rënda, ka kërkuar nga Gjykata Themelore në Pejë që të caktohet masa e paraburgimit ndaj të pandehurit G.B me dyshimin se i njëjti ka kryer veprën penale të blerjes, posedimit dhe shpërndarjes së paautorizuar të narkotikëve

Përmes një komunikate për media, Prokuroria Themelore ka njoftuar se ka marr aktvendim për fillimin e hetimeve në drejtim të kësaj vepre penale në drejtim të G.B dhe të pandehurve R.M e Sh.G, me dyshimin se kishin kryer veprën penale “Posedimi paautorizuar i narkotikëve, substancave psikotrope dhe analoge”.

Tek i pandehuri G.B., Policia e Kosovës gjatë bastisjes së veturës së tij ka konfiskuar 4kg e 917 gramë marihuanë dhe 1.2 gram narkotikë llojit kokainë, kurse tek dy të pandehurit tjerë janë konfiskuar 2 gram marihuanë.  “Po ashtu kjo prokurori  ka lëshuar urdhër për kufizim të përkohshëm të veturës, ashtu që menjëherë pranë kësaj gjykate  ka  parashtruara kërkesën për sekuestrim e përkohshëm  të veturës”, thuhet ndër tjera në komunikatë.

]]>