Ministria e Industrisë, Tregtisë dhe Ndërmarrësisë “qëllimisht po informon në mënyr selektive informata nga historiati i kompanisë”, ka reaguar mediudmi Klan Kosova, duke iu referuar të dhënave të fundit që kjo ministri po shpalos për të justifikuar vendimin brutalisht disproporcional dhe arbitrat për mbylljen e një media.
“Klan Kosova me përgjegjësi të plotë njofton sërish se Ministria e Industrisë, Ndërmarrësisë dhe Tregtisë (MINT) ka vazhduar edhe të hënën të paraqesë në mënyrë mashtruese një situatë që nuk qëndron, me qëllim që të mbuloj dështimin e saj për të arsyetuar Vendimin e kundërligjshëm”, ka shkruar Klan Kosova në reagimin e tyre.
“Fillimisht, MINT qëllimisht po informon në mënyrë selektive informata nga historiati i kompanisë, para se të bëheshin ndryshimet në dokumente, duke insistuar që adresa e pronarit të Klan Kosova është Serbia”.
Klan Kosova njofton se me datë 20 qershor 2023 “në në çdo dokument të kompanisë qëndron vetëm Kosova dhe asnjë veprim i MINT pas këtij ndryshimi është pa bazë ligjore”.
Për më tepër, mediumi thoë edhe se “MINT po bën shkelje ligjore edhe duke tentuar të interpretojë dokumente, jashtë fushëveprimit të saj, derisa çështjet e regjistrimit të bizneseve i takojnë Agjencisë së Regjistrimit të Bizneseve të Kosovës (ARBK)”. /Njeshi/
