Komuna e Pejës, përmes një njoftimi në Facebook, ka informuar qytetarët për një ndërprerje të përkohshme të qarkullimit në trasenë e zgjerimit të Rrugës Nacionale N9, segmenti Kijevë-Dollc, në kuadër të LOT-3 gjatë ditës së nesërme.
“Njoftojmë të gjithë qytetarët e Komunës së Pejës të cilët planifikojnë të udhëtojnë në drejtim të Prishtinës se në trasenë e zgjerimit të Rrugës Nacionale N9, segmenti Kijevë-Dollc, në kuadër të LOT-3, do të realizohet minimi i masave shkëmbore nga ana e majtë dhe e djathtë e zgjerimit të rrugës. Me këtë rast, do të bëhet ndërprerja e qarkullimit të trafikut nga udhëkryqi i rrugës Klinë – Gjakovë e deri te udhëkryqi i rrugës për Gjurgjevik,” thuhet në njoftimin nga komuna.
Ndërprerja e trafikut do të bëhet të shtunën, më 23 nëntor 2024, nga ora 15:00 deri në ora 16:00. Komuna u bën thirrje qytetarëve të planifikojnë udhëtimet e tyre duke marrë parasysh këtë njoftim./Njeshi/
Besa Gaxherri e LDK-së me njoftim prekës, njofton vdekjen e babait
