Republika e Kosovës, përmes Forcës së Sigurisë së Kosovës (FSK), do të jetë mikpritëse e ushtrimit më të madh ushtarak në Evropë, “Defender Europe 25/Immediate Response”.
Përgatitjet për këtë stërvitje po zhvillohen sipas planit të paraparë, dhe autoritetet shprehen të bindura për suksesin e saj.
Në kuadër të këtyre përgatitjeve, sot në Mnelë të Shqipërisë, qëndruan për vizitë Ministri i Mbrojtjes, Ejup Maqedoci dhe dhe Komandanti i FSK-së, Gjenerallejtënant Bashkim Jashari.
Siç ka njoftuar ministri Maqedonci përmes një postimi në Facebook, ata inspektuan Togun e Mortajave të Regjimentit të Tretë të Këmbësorisë, i cili është duke kryer stërvitje me mortaja 120 mm, me synimin për të rritur aftësitë luftarake të FSK-së.
Maqedonci theksoi se ushtria e Kosovës tashmë ka arritur standarde të larta profesionale, duke u barazuar me forcat e NATO-s në përgatitje, motiv dhe pajisje ushtarake.
“Së bashku më të fortë!”, ky është mesazhi që i ministrit Maqedonci, duke dëshmuar përkushtimin e Kosovës në zhvillimin e një force të gatshme dhe të aftë për të kontribuar në sigurinë rajonale dhe ndërkombëtare. /Njeshi/
