Gazetari i mirënjohur sportiv, Arlind Sadiku në një postim të fundit në faqen e tij personale në FB ka lajmëruar se është caktuar ora e zhvillimit të ndeshjes miqësore mes Kosovës dhe Danimarkës.
Sipas burimeve të komentatorit të “SuperSport” ndeshja e shumë pritur Kosovë-Danimarkë luhet me 21 mars në ora 19:00 në stadiumin “Fadil Vokrri” në Prishtinë.
Për “Dardanët” kjo do të jetë ndeshja e parë për vitin 2019 dhe miqësorja e parë para fillimit të kualifikimeve për EURO 2020.
Përfaqësuesja e Kosovës takimin e parë drejt EURO 2020 në Grupin A do ta zhvillojë kundër Bullgarisë me datë 25 mars. Në këtë grup ndodhen Anglia, Mali Zi, Republika Çeke.
