4.7 C
Pec
E hënë, 22 Prill, 2024

Krasniqi nga Brukseli: Ballkani Perëndimor në BE do të mbyllte përgjithmonë derën për ideologjitë dhe ndikimet e tjera në vendet e rajonit

Kryetari i Partisë Demokratike të Kosovës, Memli Krasniqi ka thënë se Bashkimi Evropian, një dhe i bashkuar, është përgjigje ndaj kërcënimeve nga jashtë por edhe nga brenda rajonit tonë.

Sipas tij, Kosova dhe Ballkani Perëndimor, i anëtarësuar në BE, do të mbyllte përgjithmonë derën për ideologjitë dhe ndikimet e tjera në vendet e rajonit.

Këto deklarata Krasniqi i ka bërë në Kongresin e jashtëzakonshëm të Aleancës së Liberalëve dhe Demokratëve të Evropës (ALDE) dhe hapjes zyrtare të fushatës së zgjedhjeve për Parlamentin Evropian në Bruksel.

Gjatë këtij diskutimi, duke rithkesuar nevojën e rifuqizimit të besimit të ndërsjellë mes shteteve kandidate dhe BE-së, lideri i PDK-së propozoi që procesi i anëtarësimit të shteteve të Ballkanit Perëndimor, por edhe i Ukrainës, Moldavisë dhe Gjeorgjisë, të shtrohet në disa faza konkrete, të prekshme dhe të vazhdueshme.

“Shtetet kandidate për anëtarësim në BE kanë nevojë të shohin progresin dhe rezultatet e angazhimit të tyre në rrugën e integrimit – jo të presin vetëm fundin e tërë procesit për t’u njoftuar me epilogun. Vetëm një Bashkim Evropian që përfshinë të gjithë Evropën gjeografike do të garantojë një Evropë që është në gjendje të përballojë sfidat e sigurisë me të cilat po përballet. Kosova është e gatshme të mbajë pjesën e saj të përgjegjësisë, si vendi më pro BE-së, e përkushtuar ndaj të njëjtave vlera dhe parime. Bashkimi Evropian, një dhe i bashkuar, është përgjigje ndaj kërcënimeve nga jashtë por edhe nga brenda rajonit tonë. Kosova, respektivisht Ballkani Perëndimor, i anëtarësuar në BE, do të mbyllte përgjithmonë derën për ideologjitë dhe ndikimet e tjera në vendet e rajonit”, tha Krasniqi duke folur në panelin e organizuar me temën “Formësimi i së ardhmes së Evropës: autonomia strategjike, zgjerimi dhe reforma evropiane”./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...