Kryetari i Partisë Demokratike të Kosovës(PDK), Memli Krasniqi ka njoftuar se ka takuar sot shefin e ri të Misionit të OSBE-së në Kosovë, diplomatin britanik Gerard McGurk.
Gjatë këtij takimi, Krasniqi thotë se kanë diskutuar për zhvillimet aktuale politike në vend.
Krasniqi i ka uruar suksese në detyrën e tij të re, dipolamatit britanik, Gerard McGurk dhe shtoi se gjatë këtij takimi, ka shprehur vlerësimin për angazhimin e OSBE-së në forcimin e institucioneve demokratike dhe sundimit të ligjit.
Postimi i plotë:
Sot pata kënaqësinë të pres në takim Shefin e ri të Misionit të OSBE-së në Kosovë, diplomatin britanik Gerard McGurk.
E mirëprita në fillimin e misionit të tij në Kosovë dhe biseduam për zhvillimet aktuale politike dhe shoqërore në vend. Vlerësova angazhimin e OSBE-së në forcimin e institucioneve demokratike dhe sundimit të ligjit.
Duke qenë i bindur se bashkë do të kemi bashkëpunim tejet të mirë – ambasadorit McGurk i urova suksese në detyrën e tij të re në vendin tonë.
