Kryetari i PDK-së në Pejë Xhavit Haliti që është edhe Deputet i Kuvendit të Republikës së Kosovës, thotë se kryeministri i Republikës së Kosovës Albin Kurti, ka vendosur një sistem regjimi sa i përket punësimit.
Xhavit Haliti thotë se është e pamundur që dikush të punësohet në institucione publike, nëse nuk i përkasin partisë së tij.
Madje sipas Halitit, edhe në konkurse, militantët e VV-së i marrin pyetjet shumë më herët dhe prandaj, dalin më të mirët.
“Kurti ka vendosur një sistem regjimi, sa i përket punësimeve në Kosovë, pra nuk vjen në shprehje askush që të punësohet në institucione apo ndërmarrje publike. Në ato vende, ku ka konkurse, njerëzit e tyre i marrin pyetjet më herët dhe dalin më të mirët. Ndërsa, në anën tjetër, dija e tyre në raport me obligimet ligjore është problematike”, tha Haliti./Njeshi&GazetaBlic/
