Ish-Deputeti, ish-zv/kryeministri dhe biznesmeni i njohur kosovar Ramiz Kelmendi është pritur në takim nga kryeministri i Republikës së Kosovës Albin Kurti.
Takimi ka pasur karakter ecjeje përpara mbi zhvillimin ekonomik të vendit dhe rolin e bizneseve dhe prodhuesve vendor.
Për takimin ka njoftuar z.Ramiz Kelmendi. Postimi i plotë: ‘Në cilësinë e sipërmarrësit, u pritëm sot nga Kryeministri i Republikës së Kosovës z.Albin Kurti dhe ky ishte takimi i parë në mes të Qeverisë dhe bizneseve tregtare.
Një takim i frytshëm me temë për mbështetje të vazhdueshme dhe më të qëndrueshme për prodhuesit e vendit, e me mundësi që këta prodhues të mbështeten edhe në tregjet e rajonit.
Në takim u ngritë edhe çështja dhe rëndësia që qytetarët do e kenë fjalën e fundit në këtë drejtim duke konsumuar dhe përdorur prodhimet vendore.’shkruan Ramiz Kelmendi. /Njeshi&RADIO 1/
