Kryetari i Komunës së Pejës Gazmend Muhaxheri, priti sot në zyrën e tij Ambasadorin e Republikës së Turqisë në Kosovë Tunç Agili. Gjatë takimit, Kryetari Muhaxheri falënderoi Agili për vizitën e tij dhe e informoi mbi punët e kryera në Komunën e Pejës gjatë viteve të kaluara, duke theksuar arritjet dhe sfidat me të cilat është përballur.
Kryetari Muhaxheri vuri në pah bashkëpunimin e shkëlqyer me Republikën e Turqisë, veçanërisht me Komunat me të cilat Peja është binjakëzuar. Ai shprehu gatishmërinë për të thelluar edhe më tej marrëdhëniet e bashkëpunimit ndërmjet dy vendeve, duke theksuar rëndësinë e këtyre lidhjeve për zhvillimin e qëndrueshëm të rajonit.
Ambasadori Tunç Agili falënderoi Kryetarin Muhaxheri për pritjen dhe shprehu kënaqësinë e tij për bashkëpunimin e ngritur deri më tani. Ai theksoi se Republika e Turqisë do të vazhdojë të mbështesë Kosovën dhe Komunat e saj në iniciativat e ndryshme për përparim dhe zhvillim.
Komuna e Pejës vazhdon të punojë për të forcuar marrëdhëniet me partnerët ndërkombëtarë, duke kontribuar në zhvillimin e qëndrueshëm të qytetit dhe rajonit.-thuhet në komunikatë./Njeshi/
