Zyra për Informim e Komunës së Pejës, njofton se numri një i komunës së Pejës, Gazmend Muhaxheri, ka pritur sot në kabinetin e tij komandantin e ri të KFOR-it, Kolonelin Francesco Errico, i cili do të udhëheqë Komandën Rajonale Perëndimore të KFOR-it.
Komunikata e plotë:
‘Kryetari i Komunës së Pejës, Gazmend Muhaxheri ka pritur sot në takim Komandantin e ri të KFOR-it, Kolonelin Francesco Errico, i cili do të udhëheqë Komandën Rajonale Perëndimore të KFOR-it – Regional Command West në Pejë për gjashtëmujorin e ardhshëm.
Kryetari Muhaxheri i uroi mirëseardhje në Komunën e Pejës, Kolonelit Errico, të cilin e falënderoi për vizitën, si dhe i uroi suksese në detyrën dhe përgjegjësinë, që e ka marr, po ashtu theksoi s’e bashkëpunimi me KFOR-in italian do të vazhdojë edhe në të ardhmen për çështje të ndryshme, të cilat do të jenë në interes të përbashkët për Komunën e Pejës.
Unë kam qenë para 20 viteve në Pejë dhe po e shoh, që qyteti i Pejës paska ndryshuar shumë për të mirë, sepse Peja është qytet i bukur dhe shumë i rëndësishëm.
Po ashtu, e kam vërejtur një bashkëpunim shumë të mirë midis qytetit dhe fshatrave, që nuk ka asnjë dallim dhe është një zhvillim i përgjithshëm, për një jetesë dhe bashkëpunim të përbashkët.’/Njeshi&RADIO 1/
Takohen Kryeprokurorja, zv/kryeprokurorja dhe Kryetari i Gjykatës së Pejës
