Ish-kryetari i Gjykatës Kushtetuese, Kadri Kryeziu, tha për media se vendimi i fundit i Gjykatës Kushtetuese për konstituimin e Kuvendit të Kosovës, është vendim i mirë dhe optimal, përmes të cilit synohet të përshpejtohet procesi i konstituimit.
“Vendimi i Gjykatës Kushtetuese është një vendim i mirë, optimal, i cili ka mundësuar shpejtimin e procesit të konstituimit të Kuvendit, si një institucion i rëndësishëm i Kosovës.” tha ai.
Kryeziu, shtoi se moszbatimi i vendimit të Gjykatës Kushtetuese është vepër penale, dhe nëse deputetët nuk e zbatojnë atë, atëherë bëjnë shkelje të Kushtetutës.
“Pasojat ligjore janë – nëse një vendim i Gjykatës Kushtetuese nuk zbatohet është vepër penale. Nuk ka masë tjetër, domethënë vetëm ky vendim është marrë duhet me respektuar çdo deputet, sepse shkelin Kushtetutën.” përfundoi ai./Njeshi/
