Pas shtatë muajsh në Stacionin Ndërkombëtar të Hapësirës (ISS), një shtetas amerikan dhe dy rusë janë kthyer të sigurt në Tokë.
Kapsula ”Soyuz” që mbante astronautin Don Pettit dhe kozmonautët Alexei Ovchinin dhe Ivan Wagner u ul pranë Zhezkazgan në stepat e Republikës së Azisë Qendrore të Kazakistanit”, deklaroi agjencia ruse e hapësirës Roscosmos dhe agjencia hapësinore amerikane NASA.
Sipas NASA-s, Pettit do të festojë ditëlindjen e tij të 70-të të dielën. Ekuipazhi kishte qenë në hapësirë që nga 11 shtatori.
Pavarësisht tensioneve serioze politike ndërkombëtare pas luftës së Rusisë kundër Ukrainës, Rusia dhe Shtetet e Bashkuara vazhdojnë të bashkëpunojnë në eksplorimin e hapësirës.
Astronautët përdorin vazhdimisht anijen ruse për të arritur në ISS. /Njeshi/
