Gjatë qëndrimit të tij në Greqi, kryeministri i Kosovës, Albin Kurti, u takua me ish-kryeministrin e Greqisë, njëherësh presidentin e nderit të Internacionales Socialiste, George Papandreou.
Me Papandreou, Kurti bisedoi rreth ngjarjeve të fundit në vend e situatën e sigurisë, një muaj pas sulmit terrorist të Serbisë ndaj Kosovës.
U fol dhe mbi realitetin demokratik në Kosovë e sukseset e vendit tonë, e ku temë e diskutimit ishte dhe aplikimi për anëtarësim i Kosovës në Këshillin e Evropës.
Ata biseduan dhe mbi forcimin e bashkëpunimit mes partive simotra e dy subjekteve të tyre politike. Kryeministri e uroi Papandreou mbi suksesin e arritur në zgjedhjet e fundit lokale të mbajtura në Greqi gjatë këtij muaji./Njeshi/
