18.8 C
Pec
E enjte, 23 Maj, 2024

Kurti: Duhet të nxisim kohezionin social për të parandaluar ekstremizmin

Kryeministri i Kosovës, Albin Kurti, bëri thirrje për më shumë solidaritet në rajon nga takimi në Sofje.

Ai në Forumin Ekonomik të Vjenës – Takimi Sofje 2024, të hënën tha se ekonomia globale po përballet me recesion dhe sipas tij, “duhet të mendojmë edhe për të ardhmen me të cilën do të përballemi”.

Ai vuri në dukje zhvillimin e inteligjencës artificiale në vitet e fundit dhe shtoi se kjo do të sjellë ndryshime në shumë industri, gjë që hap rrugën e rritjes, por sipas tij shpie në rreziqe.

“Ne duhet të inkurajojmë procesin teknologjik, por të sigurohemi që kjo të mos ndodhë në kurriz të vlerave tona. Ne mbështetemi në qëndrueshmërinë dhe këmbënguljen në ndërtimin e urave në shoqëritë tona. Nëse ka vështirësi, nuk duhet të mendojmë se duhet të ndryshojmë rrjedhën e zhvillimit, por duhet të ndalemi pak dhe të vazhdojmë të ndërtojmë ura ekonomike, pavarësisht kohëve të vështira dhe sfidave që hasim. Përndryshe, ne rrezikojmë të humbim njerëz që shkojnë në pozicione ekstreme. Mund të humbasim kohezionin tonë social”, tha Kurti.

Kryeministri falënderoi Bullgarinë dhe popullin bullgar për njohjen e pavarësisë së Kosovës. Bullgaria dhe Kosova shënojnë këtë vit 15 vjet nga vendosja e marrëdhënieve diplomatike. Të dy vendet ndajnë angazhimin e tyre për sundimin e ligjit, të drejtat e njeriut dhe standardet e BE-së, shtoi kryeministri i Kosovës.

Gjatë ditës, Kurti është mirëpritur nga kryeministri në detyrë i Bullgarisë, Dimitar Glavchev, shkruan BTA/Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...