21.2 C
Pec
E mërkurë, 22 Maj, 2024

Kurti fton qytetarët të shfrytëzojnë ditët e fundit për regjistrim: Nuk është vetëm evidentim për statistika

Kryeministri i Kosovës, Albin Kurti, në ditët e fundit të procesit të regjistrimit të popullsisë, ka bërë thirrje që ata të cilët nuk janë regjistruar ta kryejnë këtë procedurë.

Ai ka njoftuar se mbi një milion e 420 qytetarë rezidentë janë regjistruar deri më tani.

“Teksa kemi hyrë në javën e fundit të procesit më të rëndësishëm për 10-vjeçarin e ardhshëm, thirrja jonë për regjistrim vazhdon. Të gjithë ata që nuk janë regjistruar deri më tani, në Kosovë e në diasporë, ju ftoj t’i shfrytëzoni këto ditë të mbetura deri me 17 maj”, tha Kurti.

Ai thekson se është jetik për ta e për vendin dhe për planifikimin e të ardhmes.

“Tashmë jemi në javën e fundit të procesit të regjistrimit të popullsisë. Deri tani janë regjistruar mbi 1 milion e 420 mijë qytetarë në Kosovë. Regjistrimi i popullsisë, i secilit prej nesh, nuk është thjesht evidentim për statistika por do të na shërbejë për politika të drejta e orientim të saktë, në vendimet e masat, projektet e investimet që do të ndërmarrim në 10 vjetët në vijim. Regjistrimi juaj është jetik për ju e për vendin, për planifikimin e të ardhmes sonë”, tha Kurti në një video të shpërndarë në Facebook./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...