Deputeti i LVV-së, Haki Abazi, e akuzoi kryeministrin Albin Kurti se e ka urdhëruar shkarkimin e tij nga udhëheqja e Komisionit Parlamentar për Politikë të Jashtme.
Mirëpo, kryeministri Kurti i ka konsideruar të pavërteta dhe të pasakta këto akuza të Abazit.
“Ato nuk janë të vërteta e as të sakta”, tha Kurti, raporton transmetuesi publik. “Për këtë është përgjigjur ministrja e Drejtësie”.
Sipas kreut të Qeverisë, i cili është edhe kryetar i LVV-së, ky subjekt politik është më i madhi dhe më demokratiku.
Kurti tha se çdo deputet ka mundësinë e diskutimit të hapur për të gjitha çështjet.
“Të gjitha çështjet i diskutojmë hapur në forumet tona dhe secili deputet i shpreh shqetësimet e veta, por unë nuk mund të mbaj përgjegjësi për fjalën publikë të dikujt tjetër”, tha kryeministri Albin Kurti./Njeshi/
