19.9 C
Pec
E shtunë, 13 Prill, 2024

Kurti para kryetarëve të komunave: Buxheti i komunave këtë vit është për 40 % më i lartë se para tri viteve

Kryeministri i Kosovës, Albin Kurti në takimin e gjashtë me kryetarët e komunave ka thënë se buxheti i komunave për vitin 2024 arrin 742 milionë euro.

Kurti ka shtuar se buxheti i vitit 2024 është për gati 90 milionë euro më i lartë krahasuar me vitin paraprak 2023, kurse për tri vite mandat buxheti vjetor i komunave është rritur për 195 milionë euro më shumë.

“Granti i përgjithshëm për komuna për vitin 2024 kap vlerën 284.7 milionë euro, që është granti me vlerën më të madhe ndonjëherë. Komuna e Ferizajt dhe Gjakovës janë komunat me më së shumti projekte infrastruktore, kurse Obiliqi, Skenderaj, Rahovec janë renditur në top tre komunat përfituese nga granti i performances komunale që ndahet nga Ministria e Administrimit dhe Pushtetit Lokal”, tha Kurti.

Kryeministri shtoi se secila komunë këtë vit e ka të paktën për 40% më të lartë buxhetin sesa para tre viteve.

Kurti kërkoi nga kryetarët e komunave që të mos kontribuojnë në keqinformim të qytetarëve kur vjen puna tek mbështetja e nivelit qendror për atë lokal.

Kryeministri gjithashtu u kërkoi bashkëpunim sa i përket regjistrimit të popullsisë që do të nis në muajin prill./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...