24.2 C
Pec
E shtunë, 19 Qershor, 2021

Kurti për opozitën: Qeveria e tanishme është e gatshme t’i përmirësojë gabimet tuaja

Kryeministri Albin Kurti ka deklaruar se është i gatshëm të bashkëpunojë me krerët e opozitës për politikën e jashtme, në veçanti dialogun me Serbinë. Kurti ka thënë se mund t’i takojë ata në çfarëdo kohe për të diskutuar rreth negociatave që e presin Kosovën, duke shtuar se gabimet e qeverive të kaluara mund t’i përmirësojnë së bashku.

“Le të synojmë të bashkohemi në temat që mund të gjejmë konsensus. Do të kërkojmë bashkëveprim me opozitën në temën e politikës së jashtme dhe dialogun me Serbinë. Mund të mos pajtohemi për shumë çështje, por të tentojmë të pajtohemi në dialogun me Serbinë”, ka thënë ai.

Kurti ka potencuar se ka edhe tema të tjera, siç janë gjykatat në veri, krijimi i diskursit për marrëveshje territoriale dhe fusonta, që mund t’i bisedojë me opozitën.

“Por mos të harrojmë ju që keni qenë në pushtet për këto 20 vjet keni bërë tashmë një trashëgimi që na ka ngelur neve dhe pjesa më e madhe e punës sime në dialog është në zhbërjen e dëmit që e keni bërë ju si asociacioni, fusnota, hapja e çështjes së statusit, kërcënimet për ndryshime territoriale. Nëse i keni rënë pishman atëherë ejani të bisedojmë së bashku e t’i përmirësojmë”.

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...