25.7 C
Pec
E enjte, 13 Qershor, 2024

Kurti shkon për ngushëllime familjen e ish të burgosurit politik, Beqir Bilalli

Kryeministri i Kosovës, Albin Kurti, gjatë ditës së sotme ishte për ngushëllime në familjen e ish të burgosurit politik, Beqir Bilalli, që u nda nga jeta me 4 qershor. Zyra e Kryeministrit njoftoi se Kurti u ka shprehur familjarëve dhe miqve ngushëllimet .

“Beqir Bilalli ishte pjesëmarrës në demonstratat e viteve 80-ta. Ai u arrestua në gusht të vitit 1998 në Prishtinë, për t’u transferuar fillimisht në burgun e Mitrovicës, e pastaj edhe në burgun e Pozharevcit. Aty, i ndjeri Beqir Bilalli dhe tash kryeministri Kurti kishin ndarë dhomën e burgut, dhe bashkë u kishin bërë ballë torturave të gardianëve të burgut të regjimit të Beogradit”.

“Kryeministri u shprehu familjarëve dhe miqve ngushëllimet më të sinqerta për humbjen e tyre, teksa ndau me ta kujtimet e tij me të ndjerin, Beqir Bilalli. Pas lirimit nga burgu, z.Bilalli ushtroi profesionin e minatorit në Trepçë deri në pensionimin e tij në shkurt të vitit 2020. Ai vdiq në moshën 69 vjeçare. Në shenjë mirënjohje për vizitën e kryeministrit, familjarët i dhuruar kryeministrit një kristal nga miniera e Trepçës”, thuhet në njoftimin e Zyrës së Kryeministrit./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...