Kryeministri i Kosovës, Albin Kurti, të shtunën do të pres në takim Përfaqësuesin Special të Bashkimit Evropian për dialogun, Miroslav Lajçak dhe Zëvendës Ndihmës Sekretarin e Shteteve të Bashkuara të Amerikës, Gabriel Escobar.
Në takimin që do të nisë në orën 10:00, do të marrin pjesë edhe këshilltarët e liderëve shtetërorë të Gjermanisë, Francës e Italisë.
Stano tregon mesazhet që do t’i sjellë pesëshja BE-SHBA në Beograd dhe Prishtinë
Lexo po ashtu
Stano tregon mesazhet që do t’i sjellë pesëshja BE-SHBA në Beograd dhe Prishtinë
Kështu është bërë e ditur nga Zyra e Kryeministrit, përmes një komunikate për media.
E Kurti të premten ka deklaruar se nuk mund të ketë normalizim të raporteve me Serbinë, pa pasur siguri në Kosovë.
Këto komente ai i ka bërë gjatë një ngjarjeje në Shtime, pasi është pyetur se çfarë pritet të kërkohet nga Kosova gjatë vizitës së pesë përfaqësuesve ndërkombëtarë./Njeshi/
