Kryeministri në detyrë i Kosovës, Albin Kurti, ka uruar besimtarët myslimanë me rastin e Fitër Bajramit.
Ai ka shpërndarë mesazh urimi, duke iu dëshiruar shëndet, mirësia dhe begatia për ata dhe familjet e tyre.
“Gëzuar Fitër Bajrami për juve edhe familjet tuaja! Ju përcjellshin gjithmonë shëndeti, mirësia dhe begatia. Qoftë ky muaj rikthim te vlerat më të pastra njerëzore: dashuria, mëshira dhe solidariteti”, ka shkruar Kurti.
Kryeministri në detyrë ka shtuar se agjërimi i Ramazanit ka shërbyer si ripërtëritje e trupit, kthjellim i mendjes dhe pastrim i shpirtit.
“Uroj që agjërimi i Ramazanit të jetë bërë ripërtëritje e trupit, kthjellim i mendjes dhe pastrim i shpirtit”, ka shkruar Kurti. /Njeshi/
