Kryeministri i Kosovës, Albin Kurti ka mirëpritur në një takim gjatë ditës së sotme Kryetarin e Bashkësisë Islame të Bosnje dhe Hercegovinës, Husein Kavazović.Në këtë takim është diskutuar lidhur me bashkëpunimin midis Kosovës dhe Bosnje dhe Hercegovinës.
Po ashtu temë diskutmi ka qenë edhe heqja e vizave për qytetarët e dy vendeve.
‘’Diskutuan për bashkëpunimin ndërmjet Republikës së Kosovës dhe Bosnje dhe Hercegovinës, teksa të dy palët shprehën vullnetin dhe gatishmërinë për më shumë shkëmbime ndërmjet qytetarëve të dy vendeve. Aty u përmend dhe vendimi i Qeverisë së Kosovës për heqjen e njëanshme të vizave për qytetarët e Bosnje dhe Hercegovinës duke e mundësuar udhëtimin e tyre drejt Kosovës vetëm me letërnjoftim biometrik, sipas marrëveshjes për lëvizje të lirë nga Procesi i Berlinit’’, thuhet në njoftim.
Ai gjithashtu informoi myftiun Kavazović rreth projekteve restauruese të shumë objekteve kulturore islame, duke përfshirë xhamitë dhe objekte të tjera fetare, si dhe për investimet e vazhdueshme në mbrojtje të trashëgimisë kulturore të Kosovës./Njeshi/
