Emisari i BE-së për dialogun Kosovë-Serbi, Mirsolav Lajçak ka thënë se sa i përket procesi, progresi ka qenë më i ngadalshëm nga sa ai kishte shpresuar, por siç thotë ai “ajo që kemi arritur vazhdon të jetë para se gjithash në të mirë të qytetarëve” të të dyja palëve.
Në një postim në Facebook, Lajçak thotë se është i inkuruajuar nga hapat e vegjël që janë bërë për të vazhduar përpara, duke përmendur këtu Komisionin e Përbashkët për Personat e Zhdukur.
“Në Dialog, përderisa progresi ka qenë më i ngadalshëm nga sa kisha shpresuar, ajo që kemi arritur vazhdon të jetë para së gjithash në të mirë të qytetarëve si në Kosovë ashtu edhe në Serbi. Megjithatë, unë jam i inkurajuar nga hapat e vegjël për të vazhduar përpara, siç është krijimi i Komisionit të Përbashkët për Personat e Zhdukur. Është koha e fundit për t’u afruar me familjet dhe të dashurit e atyre, fati i të cilëve ende nuk dihet. Komisioni i Përbashkët është vendosur të sigurojë shtytjen politike aq të nevojshme”, shkruan Lajçak në Facebook.
Emisari sllovak përmendi edhe takimin e fundit që pati në nivel të kryenegociatërve në Bruksel.
“Pak para festave, unë prita takimin tim të 31 të Kryenegociatorëve me zëvendëskryeministrin e parë Besnik Bislimi dhe drejtorin Petar Petkovic. I falënderova për bashkëpunimin e tyre të mirë gjatë periudhës së kaluar. Takimi u zhvillua në mes të një jave të ngarkuar për Ballkanin Perëndimor, duke përfshirë Samitin 
-Ballkani Perëndimor dhe miratimin e Konkluzioneve të Këshillit për Zgjerimin.
“Si për Kosovën ashtu edhe për Serbinë, ata dërgojnë një mesazh të qartë se nuk do të ketë integrim në BE pa normalizimin e marrëdhënieve të tyre dhe ofrojnë një plan të detajuar të punës për vitin e ardhshëm, të miratuar nga të gjitha shtetet anëtare të BE-së”, shkruan Lajçak, ndërsa përmendi edhe kërkesat e BE-së:
De-përshkallëzimi i tensioneve,
përgjegjësi për sulmet e vitit 2023,
Riintegrimi i serbëve të Kosovës,
Themelimi i Asociacionit të Komunave me Shumicë Serbe,
Njohja e dokumenteve dhe simboleve të Kosovës./Njeshi/
