Më 5 korrik 2025, Kuvendi i Republikës së Kosovës u evakuua pas një kërcënimi me bombë të bërë përmes një mesazhi telefonik. Policia e Kosovës reagoi menjëherë duke krijuar perimetrin e sigurisë dhe duke angazhuar njësitë përkatëse për kontrollin e objektit.
Detaje për rastin ka dhënë sot ministri Xhelal Sveçla.
“Numri i telefonit nga i cili është bërë kërcënimi është i regjistruar në Serbi dhe i përket kompanisë telefonike MTS. Shfrytëzuesi i numrit ka qenë ose është shtetasi serb Lazar Živković. Në disa profile të lidhura me këtë numër është gjetur fotografia e kriminelit të luftës Ratko Mladić.”-shkruan Sveçla
