13.1 C
Pec
E hënë, 2 Tetor, 2023

LDK-ja paralajmëron kallëzim penal ndaj Nagavcit – “Shkaktoi dëme ekonomike e emocionale”

Shefi i Grupit Parlamentar të Lidhjes Demokratike të Kosovës, Arben Gashi, ka paralajmëruar kallëzim penal ndaj ministres së Arsimit, Arbërie Nagavci, lidhur me vendimin për subvencionim të teksteve shkollore.

Gashi këtë vendim e ka quajtur anti-ligjor, teksa Qeverinë e ka quajtur të paaftë për menaxhim me tekste shkollore.

Në një konferencë për media, Gashi ka thënë se ky “keqmenaxhim” u ka shkaktuar dëme ekonomike e emocionale prindërve.

“Ata u sollën në mënyrë jo institucionale, duke pa mundësuar Kuvendit që të shohë se ku janë problemet në lidhje me librat dhe cilat janë veprimet dhe mos veprimit që i ka bërë Qeveria. Qeveria është në shkelje të ligjit për tekste shkollore dhe në shkelje të ligjit parauniversitar.

Kjo është një shkelje shumë e rëndë që Ministria po e bënë dhe për këtë do të përballen sipas gjitha gjasave edhe me ndjekje penale ministrja e Arsimit. Mendoj që pa aftësia e qeverisë për të menaxhuar këtë proces ka shkaktuar një dëm të madh ekonomik dhe dëm emocional për prindërit dhe nxënësit i cili është dëm pa riparueshëm”, ka thënë ai./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...