22 C
Pec
E martë, 23 Korrik, 2024

LDK premton qendër të re spitalore në vlerë prej 250 milionë eurosh

Kryetari i Lidhjes Demokratike të Kosovës Lumir Abdixhiku, e ka konstituar Departamentin e Shëndetësisë brenda kësaj partie.

Themelimi i këtij departamenti vjen pas atyre të Arsimit, Ekonomisë dhe Mbrojtjes.

Abdixhiku me këtë rast ka prezantuar pikat kryesor të programit të LDK-së për shëndetësinë.

“Mes profesionistëve të fushës, mjekëve e stafit shëndetësor, diskutuam jo vetëm për gjendjen e rëndë aktuale të shëndetësisë në Kosovë, por dhe për zotimet kryesore të programit tonë politik ‘Rruga e Re’”, tha Abdixhiku.

“Këto janë disa nga projektet kryesore në programin aktual ‘Rruga e Re’. Rrugën e bëjmë bashkë!.

– Qendër e re spitalore, me investim plot 250 milionë euro.

– Sigurime shëndetësore 3.5% + 3.5%.

– Digjitalizim i plotë i shëndetësisë dhe sistem informativ shëndetësor.

– Menaxhim ndërkombëtar i spitaleve.

– Plot 150 milion euro investime në pajisje të reja.

– Koeficient 150 për stafin shëndetësor./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...