7.2 C
Pec
E shtunë, 1 Prill, 2023

Lulzim Peci thotë se nëse Kosova shpallet fajtore për procesin e dialogut, atëherë prishen raportet me aleatët

Drejtori i Institutit KIPRED, Lulzim Peci, ka thënë se marrëveshjet e vitit 2013 dhe 2015 për Asociacionin e komunave me shumicë serbe janë ende në fuqi.

Ai ka shprehur rrezikun që nëse Kosova shpallet fajtore për ngecjen në procesin e dialogut atëherë kjo mund të shkaktojë prishjen e aleancës së Kosovës me shtetet që e kanë bërë Kosovën shtet.

“Asociacioni ëshë një gjë që duhet ta bëjmë sepse nuk e kemi shfuqizuar marrëveshjen e 2013 e as të 2015. Legalisht ky obligim qëndron, e pse nuk është realizuar deri më tani kjo është një çështje tjetër”, ka thënë ai.

Ai ka shtuar se refuzimi i Kurtit për të mos shtyrë vendimin për targat ka bërë që Asociacioni të dalë nga pako e marrëveshjes finale.

“Çështja e Asociacionit ka dalur nga pako e përgjithshme dhe po kërkohet që Asociacioni të zbatohet para marrëveshjes së madhe”, ka deklaruar ai.

Peci ka shtuar se Kosova gjendet në një situatë delikate për sa i përket raportet me SHBA-të.

“Jemi në një situatë delikate. Ne kemi parë një lloj ngrohje të raporteve tona Shtetet e Bashkuara të Amerikës pas nënshkrimit të marrëveshjes për energjinë, mirëpo pas saj raportet ndrruan – por ne edhe duhet ta kuptojmë që Shtetet e Bashkuara të Amerikës nuk duan ta kurthojnë në konflikte ku ato nuk duan të jenë pjesë e saj”.

“Nëse ne shpallemi fajtor dhe Serbia nuk shpallet fajtor për çështjen e Kosovës, unë mendoj që Kosova do ta humb de facto aleancën me shtetet që na kanë bërë shtet”, ka deklaruar Peci ./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...