27.8 C
Pec
E enjte, 25 Korrik, 2024

Lumir Abdixhiku shkruan për vdekjen e gruas së Enver Malokut -rikujton vizitën e saj të fundit në zyrat e LDK’së

Lideri i LDK’së, Lumir Abdixhiku ka shkruar disa fjalë për tashmë të ndjerën, Hava Maloku, gruan e Enver Malokut e cila vdiq sot.

Abdixhiku përmes një shkrimi në Facebook u ka shprehur ngushëllime familjes së të ndjerës, duke u kërkuar prej tyre që në këto momente të bëhen të fortë. Zonja Havë ishte një grua e fortë!

Asaj, barra e orëve të rënda, i kishte përcaktuar fatin e gjetjes së forcës përtej humbjes së madhe. Dhe këtë forcë e kishte gjetur mu siç dinte ajo, duke qenë e dashur, e buzëqeshur – duke qenë një zonjë e rëndë!

Hava Maloku na la sonte. Me të u shua dhe një copëz e historisë së takimeve për çdo 11 janar. Ishte përplot dritë e mirësi. Këtë vit, kishte gjetur forcën të ngrihej nga shtrati i fundit i saj, për të shpalosur bashkë me ne pllakën e portretin përkujtimor të Enverit, bashkëshortit të vrarë në 11 janarin e vitit të lirisë. E dinim, të gjithë, se ky duhej të ishte takimi ynë i fundit. E sado që ishte vështirë, e dinim të gjithë, ne dhe ajo, se ky duhej të ishte kujtimi e kuptimi i fundit nga kjo shtëpi e demokracisë. Pimë kafen bashkë, e përcollëm bashkë. Na la me përplot buzëqeshje. Siç bënte përherë!

E dashura Doruntinë, i dashuri Drin e Lon, në emër të gjithë anëtarësisë së Lidhjes Demokratike të Kosovës, ngushëllime për humbjen e nënës suaj. Bëhuni të fortë, siç u bë ajo kur kishit nevojë për të!

Zonja Havë, bashkohu në parajsën e pasosur me Enverin që aq shumë e deshe e të mungoi!/Njeshi/

 

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...