Kompozitori i njohur kosovar dhe udhëheqësi artistik për vite i Grupit ‘YJET’ nga Prishtina, Afrim Macula ka qenë i ftuar në ‘Stduio A’ në ATV tek Blerona Zeqiri, ku ka folur për shumë tema rreth muzikës dhe komponimeve si dhe largimit të tij nga dasmat e ahengjet dhe fokusimit tek punët krijuese dhe studike.
Prej shkaqeve që Macula ka ndarë rrugët me performancat live muzikore, si me Grupin ‘YJET’ ashtu edhe të tjera, është edhe humbja e kriterit të vet organizimeve dhe kërkesave që vijnë nga organizatorët, nikoqirët dhe protagonistët e dasmave.
‘Kah fundi ndryshoj çdo gjë, nuk ishte më si me ‘Besnikët’ kur ishim, këndojshim me Danin, me Sinanin, me Afrimin, atëherë ishim vetdirigjues të dasmës. Tash ka ndryshu sistemi, shumica e dasmorëve vet e prishin dasmën. Krejtve ju japin rëndësi, menysë e provojnë shembull, përcatojnë detajet e gjanat, kur është tek muzika, hajt bojnë zhurëm qaty. Jo more, kadale! Vijnë shembull, nuk du kshtu, kshtu, ose ka tjerë super, thonë nuk du tallava, Okej. Edhe tash kur ja fillon dasmën qysh po don pronari, se ai paguan normal, qohen bijat me kcy, dhe prej larg atje të thirrin … ma shpejt, ma shpejt, hajt kalle… e qysh kalle… Atëherë duhet me i lëshu defat edhe 10 herë ‘Dul Lulija te bunari’ edhe jepi. Krejt tjetër send merresh vesh, krejt tjetër send del. Përpara muzikën në dasma e ka udhëheqë orkestra dhe këngëtari, tash bijat e shpisë.’-u shpreh Afrim Macula.
Ndryshe, Afrim Macula mbetet ndër kompozitorët më të shquar kosovar të shumë hiteve që vazhdojnë të pcjellin gjenerata, siç janë; ‘Ti që fike Shpirtin tim’, ‘Flladi ëmbël’, ‘Mërgim’ e shumë të tjera të Danit dhe poashtu edhe një masë të madhe të këngëve të Sinan Vllasaliut e Afrim Muçiqit.
Afrim Macula është edhe themelues i Grupeve të njohura të kohës ‘Besnikët’, ‘NARD’ e më pas edhe ‘YJET’.
Në këtë emision Afrim Macula ishte i ftuar së bashku me bashkëshorten e tij, Valeriana Macula e cila është edhe tekstshkruese e shumë këngëve të njohura./Njeshi&RADIO 1&ATV/
Emisioni i plotë – ndërsa komentet për muzikën e dasmat i gjeni tek minuta e 18-të:
Dani: Nuk ndjehem VIP, sipas meje, ja kush mund të quhet VIP nga skena jonë!
