Mallorca ka mposhtur Real Madridin, me rezultat minimal 1-0, me të vetmin gol që u shënua në minutën e 13-të, ku i përfshirë ishte edhe sulmuesi kosovar, Vedat Muriqi.
Fillimisht u mendua se Muriqi e shënoi golin, por më pas goli u regjistrua si autogol nga mbrojtësi i Real Madridit, Nacho.
Edhe pse Reali provoi të shënoj gjatë gjithë ndeshjes, një gjë e tillë nuk ndodhi.
Asensio humbi një penallti për Realin, në pjesën e dytë.
Tani Reali (vendi i dytë) është 15 pikë larg Barcelonës (vendi i parë) në tabelë,ndërsa Mallorca në të dhjetin, me 28 pikë. /Njeshi.
