Gjëja që nuk duhet të bëni kur vendosni të mbani dietë është që të mos anashkaloni vaktin e mëngjesit. Asnjëherë nuk do të ndalemi t’ju kujtojmë se mëngjesi është vakti më i rëndësishëm i ditës, edhe nëse jeni në dietë dhe dëshironi të humbni peshë. Në vjeshtë është shumë e rëndësishme, si në të gjitha stinët, të zgjidhni ushqime të shijshme për mëngjes në mënyrë që të përballeni më mirë me sezonin e vjeshtës.
Fillojeni ditën me një mëngjes të përshtatshëm, asnjëherë mos merrni më pak se 15 minuta për ta konsumuar atë me qetësinë e duhur.
Mëngjesi dhe sasia e duhur e energjisë për t’u përballur më mirë me vjeshtën
Ne duhet të dimë se si të ekuilibrojmë, por gjithmonë duhet të mbahet mend se mëngjesi është i nevojshëm që trupi ynë të jetë në gjendje të përballet me ditën në mënyrën më të mirë. Në vjeshtë, duke u ulur ngadalë temperaturat, bëhet me të vërtetë i rëndësishëm prezantimi i konsumit të duhur kalorik.
Pirja e sa më shumë uji për mëngjes është thelbësore për të rihidratuar trupin. Për më tepër, ai eliminon toksinat e grumbulluara gjatë natës dhe lufton ndjenjën e gjumit dhe lodhjes që zakonisht na shoqëron në orët e para të mëngjesit.
Cilat ushqime të zgjidhni për mëngjes të përsosur për t’u përballur gjatë vjeshtës?
Frutat sezonale, vitaminat dhe ushqimet probiotike janë vetëm disa nga ato që këshillohen për t’u konsumuar në minutat e para të zgjimit. Mëngjesi është gjithashtu thelbësor për ata që duan të humbin peshë ose thjesht duan të qëndrojnë në formë: sipas disa prej studimeve më të famshme, të ngrënit sapo zgjoheni ndihmon metabolizmin dhe promovon funksionimin e duhur.
Ja disa këshilla për të bërë një mëngjes të përsosur vjeshte?
Hani mëngjes brenda 30 minutave që nga rënia e alarmit
Nëse dëshironi të ndihmoni metabolizmin tuaj dhe të zgjoni menjëherë trupin, “dieta e dashur e supermetabolizmit” në Hollyëood nuk ka dyshime për këtë. Më mirë të hani sa më shpejt, pasi jeni zgjuar.
Ulni sheqernat
Duke marrë parasysh që për të qenë të shëndetshëm duhet të hani mirë, sot mund të bëni mëngjes të mrekullueshëm pa e tejkaluar me sheqernat. Më shumë energji nuk do të thotë më shumë sheqer. Ndër biskotat klasike dhe ato pa sheqer të shtuar, padyshim që këshillohet që të zgjidhni këto të fundit, kështu që do të ketë më shumë hapësirë për të konsumuar sheqerna të tjerë gjatë ditës.
Hani një mëngjes DETOX?
Mëngjesi detoks, i cili shpesh lihet pas dore është i përkryer kur ndjeheni veçanërisht të ënjtur, të rëndë ose pasi jeni tejngopur nga një darkë e rëndë. Fillimi i ditës me një mëngjes detoks do të shërbejë për të lehtësuar punën e mëlçisë.
Si ta bëjmë atë? Fillojeni ditën duke pirë një çaj me luleradhiqe, me veti të mrekullueshme detoksifikuese, ose kopër, me veti tretëse dhe kulluese. Kosi dhe drithërat janë përzierja ideale për shkak të veprimit detoks dhe pasurisë së fibrave të drithërave.
Konsumoni qumësht ose kos kundër plakjes së lëkurës
Ushqime perfekte për të shoqëruar biskotat ose drithërat. Për ata që kanë vështirësi në tretjen e qumështit ose janë jotolerantë, por nuk mund t’i rezistojnë mirësisë së tij, është e këshillueshme që të zgjedhin versionin UHT. Kosi është ideal për marrjen e nevojshme të vitaminave A dhe E, po aq efektive kundër plakjes së lëkurës. Kosi Grek, në veçanti, është gjithashtu një aleat i shkëlqyer i bukurisë sezonale për të luftuar humbjen e flokëve.
Forconi sistemin imunitar
Kjo kohë e vitit është më e favorizuara për t’u sëmurur lehtësisht. Duke nisur nga një ftohje e thjeshtë dhe lloje të ndryshme ftohjesh është e rëndësishme që të të përpiqeni të forconi sistemin imunitar. Ndonjëherë nevojiten shtesa të jashtme, megjithatë, pijet probiotike ose kosi, janë të afta për të forcuar sistemin imunitar, formojnë një pengesë kundër zhvillimit të viruseve dhe mikrobeve të dëmshme, pengojnë kalimin e shumë substancave që janë përgjegjëse për alergjitë, si dhe prodhojnë vitamina të dobishme .
Nëse qëllimi është që të shkoni në dimër me një lëkurë të shëndetshme dhe flokë të trashë dhe të shndritshëm, gjatë mëngjesit nuk mund të bëni pa ushqime me vitamina dhe veti anti-plakje. Çaji jeshil, i cili është hidratues dhe veçanërisht i pasur me antioksidantë; shtoni një sallatë frutash ose një karotë për të marrë beta-karoten dhe vitaminë C./Njeshi/
Ish/zëvendësministrja pejane e Qeverisë Kurti, Linda Çavdarbasha paraqitet nga Parlamenti Europian
