Meningjiti në Kosovë, ‘Hidrodrini’; Uji është i pijshëm në tërë zonën tonë, kemi rritur kontrollin

18 Gusht 2023

Pas paraqitjes në rritje të rasteve të Meningjitit në Kosovë dhe pas rekomandimeve publike nga Ministria e Shëndetësisë, ka reguar edhe Kompania Rajonale e Ujësjellësit ‘Hidrodrini’ në Pejë.

Zyra për Media e kësaj kompanie pohon se me vendim të kryeshefit Ekzekutiv të Kompanisë ing. Dri Cena, ka udhëzuar të gjithë Menaxherët e zonës së mbulueshmërisë, laboratorin e kimisë dhe dikasteret përkatëse të kompanisë për ngritje të shkallës së kontrollit dhe mobiltetit në të gjitha burimet dhe sistemin furnizues të zonës.

‘Konstatohet, se deri më tash, në tërë zonën tonë të shërbimit, komunat, Pejë, Klinë, Istog, Deçan dhe Junik, është brenda normave të duhura i klorinuar dhe i sigurt për konsum.’-thuhet mes tjerash në komunikatën e kaj kompanie.

Komunikata e Plotë:

‘KRU ‘HIDRODRINI’ Sh.A. – Pejë

Meningjiti / Njoftim mbi kontrollin e burimeve dhe sistemit furnizues të KRU ‘Hidrodrini’

Në shërbim të mbrojtjes së shëndetit të Përgjithshëm të konsumatorëve/popullatës, referuar rekomandimeve publike nga Ministria e Shëndetësisë e Qeverisë së Republikës së Kosovës, mbi raportet për rastet e para të paraqitjes së Meningjitit në Kosovë, Kompania Rajonale e Ujësjellësit ‘Hidrodrini’, ka ngritur shkallën e kontrollit dhe gatishmërisë në të gjitha burimet dhe sistemet e furnizimit në zonën e mbulueshmërisë.

Në këtë kuadër, me Vendim të kryeshefit Ekzekutiv të Kompanisë ing. Dri Cena, ka udhëzuar të gjithë Menaxherët e zonës së mbulueshmërisë, laboratorin e kimisë dhe dikasteret përkatëse të kompanisë për ngritje të shkallës së kontrollit dhe mobiltetit në të gjitha burimet dhe sistemin furnizues të zonës.

Konstatohet, se deri më tash, në tërë zonën tonë të shërbimit, komunat, Pejë, Klinë, Istog, Deçan dhe Junik, është brenda normave të duhura i klorinuar dhe i sigurt për konsum.

Referuar praktikave shkencoro-mjekësore, të Organizatës Botërore të Shëndetësisë, shkaktarë i sindromës meningjeale janë infeksionet bakteriale ose virale, ndërsa, si rrugë e përhapjes së infeksionit mund të jenë pishinat, vendet e freskimit, kontakti dhe uji për pije.

Në këtë kuadër, KRU ‘Hidrodrini’ derisa deklaron se uji, që nga burimet e deri tek sistemi furnizues është i pijshëm, APLEON për kujdes e kontroll në qasjen qytetare ndaj pishinave dhe vendeve të freskimit.’-thuhet në komunikatën nga Zyra për Media e KRU ‘Hidrodrini’-Pejë./Njeshi/

Artikulli paraprakPresidentja në Zllakuqan, fshatin që i ndihmoi mijëra banorë të Mitrovicës në vitin 1999

Artikulli tjetërHoti: Me rezervat shtetërore është bërë pazar

Meningjiti në Kosovë, ‘Hidrodrini’; Uji është i pijshëm në tërë zonën tonë, kemi rritur kontrollin

ARTIKUJT E NGJAJSHME

Të fundit

TË ZGJEDHURAT

MË TË SHIKUARAT

KATEGORITË

RRETH NESH

NA NDIQNI