Gjatë një interviste për Zërin e Amerikës, Hamza foli rreth parashikimeve të raportit më të fundit të BB-së mbi rritjen ekonomike të Kosovës, nivelin e papunësisë apo ndikimin në buxhet të disa vendimeve të qeverisë që lidhen me pagat në institucionet publike apo rritjen e pagesave në kuadër të skemës së ndihmës sociale.
Hamza thotë se niveli i papunësisë në Kosovë është më i ulët sesa 30 për qind, shifër kjo e raportuar nga Banka Boterore. Ai tha se nga pikpamja e logjikës matematikore e profesionale kjo është e pamundur, në kushtet e një rritjeje rritja ekonomike mbi 4 për qind, shtimit të numrit të ndërmarrjeve të reja të regjistruara dhe kur nuk ka zvogëlim të numrit të vendeve të punës në sektorin publik.
Ministri i Financave të Kosovës foli dhe mbi problematikën e krijuar në vend për shkak të largimit të punonjësve të kualifikuar për të punuar me kontrata të ligjshme në vende perëndimore.
Sipas tij përballja me vende me standarde të larta e bën të vështirë për Kosovën të jetë konkuruese në tregun e punës.
Hamza trajton dhe ndikimin që ka pasur në buxhetin e shtetit vendosja e tarifës ndaj mallrave serbe në masën 100 për qind. Ai tha se nga pikëpamja ekonomike asnjë nga vendet nuk ka fituar dhe se Serbia ka humbur tregun e Kosovës.
]]>
