Ministrja e Arsimit, Arbërie Nagavci, ka njoftuar se është hapur thirrja për aplikim për mësimdhënësit që synojnë të marrin licencën e avancuar për mësimdhënie.
Për këtë, Nagavci ka thënë se është hap i rëndësishëm drejt avancimit të performancës së mësimdhënësve.
Ajo ka bërë të ditur se thirrja vlen për mësimdhënësit e profileve si më poshtë:
1. Mësues të arsimit fillor;
2. Mësimdhënës të lëndës “Matematikë” në Arsimin e Mesëm të Ulët (AMU) dhe Arsimin e Mesëm të Lartë (AML);
3. Mësimdhënës të lëndës “Gjuhë shqipe” në Arsimin e Mesëm të Ulët (AMU) dhe Arsimin e Mesëm të Lartë (AML).
Nagavci ka thënë se aplikimi mund të bëhet përmes platformës e-kosova prej sot deri më 19 dhjetor.
“Të gjitha ato/ata që do të përmbyllin suksesshëm këtë proces do të përfitojnë shtesën e performancës.” /Njeshi/
