31.3 C
Pec
E shtunë, 22 Qershor, 2024

Ministria e Arsimit u kërkon falje mediave për “gabimin” në komunikatë

Ministria e Arsimit, Shkencës, Teknologjisë dhe Inovacionit ka kërkuar falje pas gabimit të bërë në njoftimin për shpalljen e tenderit për “monitorim të mediave, qasje në dokumente publike dhe financiare”.

Ky njoftim ka nxitur reagime për shkak se Ministria në njërën nga detyrat e specifikuara kishte shkruar: “Është përgjegjës për monitorimin dhe analizimin e paraqitjes së Ministrisë dhe titullarit në media, monitorimin e lajmeve të cilat atakojnë institucionin dhe ndërlidhen me proceset në arsim”.

Ministria ka sqaruar se është përdorur termi “joadekuate” dhe paqëllimshëm.

“Divizioni për Komunikim Publik (DKP) ka hapur tender me datë 23.05.2024 për shërbime të veçanta, respektivisht për kontraktor individual për monitorimin e media, qasje në dokumente publike dhe financiare me qëllim rritjen e transparencës me publikun, por edhe informimin e stafit menaxherial dhe politik lidhur me lajmet që kanë të bëjnë me arsimin”, thuhej në njoftim.

“Në bazë të kompetencave të veta ligjore dhe pa njohurinë e kabinetit, DKP ka përgatitur gjithë procedurën për këtë tender. Lëshimi ka ndodhur për shkak të zgjedhjes së termave joadekuat dhe duke qenë i paqëllimshëm, DKP u kërkon falje mediave dhe qytetarëve të Kosovës”, thuhej më tej.

Monitorimi i mediave është detyrë të cilën, sipas Divizionit për Komunikim Publik, e kryen për shumë vite dhe kjo i ka shërbyer në vazhdimësi MAShTI-t për ta mbajtur të informuar për lajmet që kanë të bëjnë me arsimin në Kosovë dhe asnjëherë nuk ka qenë dhe nuk është qëllim i MAShTI-it për t’i kritikuar mediat lidhur me lajmet që i publikojnë, apo për të ndikuar në politikat e tyre redaktoriale.

Divizioni është ankuar se “ka kohë që funksionon me numër të vogël të zyrtarëve dhe duke qenë se muaj më parë edhe një zyrtare e Divizionit është transferuar në një ministri tjetër, ka krijuar vështirësi edhe më të mëdha në funksionimin e tij”.

“Prandaj, duke ju kërkuar falje, kërkojmë mirëkuptimin e mediave dhe qytetarëve për këtë lëshim të paqëllimshëm”, thuhej në njoftim/Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...