Qendra Rajonale për Trashëgimi Kulturore në Pejë ka njoftuar se mbështetur nga Ministria e Kulturës, Rinisë dhe Sportit e Qeverisë së Republikës së Kosovës dhe BE e me implementim nga UNDP, kanë filluar punimet restauruese- konservuese në kullën e Ministerit në qytetin e Pejës.
Kulla e Ministerit e ndërtuar në vitin 1933, paraqet një ekzemplar unik të kullave të kësaj treve. Kulla e Ministerit fillimisht u takonte Bejlerëve, ndërsa më vonë kaloi në pronësinë e Aleksandër Markoviçit, i cili në atë kohë ishte Ministër dhe e udhëhiqte administratën e dhunshme shtetërore.
Lajmi për fillimin e punimeve është konfirmuar nga Drejtoresha e Qendrës Rajonale për Trashëgimi Kulturore në Pejë, Shpresa Gjonbalaj përderisa për të ka shkruar edhe vet Ministri i Kulturës Hajrulla Çeku.
‘Filluan ndërhyrjet restauruese në Kullën e Ministerit në Pejë. Vazhdojmë me punë të mira në mbrojtje të trashëgimisë kulturore.’-ka shkruar Çeku.
Njoftimi i plotë:
“Filluan ndërhyrjet restauruese- konservuese në kullën e Ministerit në qytetin e Pejës.
Projekti i inicuar nga QRTK Pejë, po implementohet nga UNDP, mbështetur nga BE dhe MKRS.
Kulla e Ministerit e ndërtuar në vitin 1933, paraqet një ekzemplarë unik të kullave të kësaj treve”./Njeshi&RADIO 1/
