Monumenti i heroit kombëtar Gjergj Kastrioti – Skënderbeu do të përurohet sot nga ora 12:00 në Gjakovë.
Përurimi i monumentit bëhet në vigjilje të shënimit të 25-vjetorit të çlirimit të Komunës së Gjakovës. Monumenti i Skënderbeut tashmë është vendosur në platon e madhe e Parkut të Qytetit.
Gjergj Kastrioti – Skënderbeu (1405-1468) konsiderohet nga shumë vende të Europës Perëndimore si heroi që pengoi Perandorinë otomane të pushtonte Perëndimin e Europës dhe si modeli i rezistencës së krishterë ndaj otomanëve myslimanë.
Me rastin e shënimit të ditëlindjes së Skënderbeut më 6 maj në sheshin që mbanë emrin e heroit, në Prishtinë do të mbahet një takim i organizuar nga Lëvizja e Deçanit, duke filluar nga ora 13:00./Njeshi&RADIO 1/
