Deputetja e PDK-së, Blerta Deliu-Kodra, ka kërkuar nga kryesuesi Avni Dehari, ta respektojë Kushtetutën.
“Ktheju rendit të ditës dhe respektoje aktgjykimin e Gjykatës Kushtetuese”, tha deputetja Deliu-Kodra.
Gjatë fjalës së saj në foltore ndërhyri kryeuesi i seancës konstituive të Kuvendit, Avni Dehari ku kërkoi nga regjia që t’ia ndalte mikrofonin deputetës së PDK-së.
Gjatë kohës që Dehari kërkonte një gjë të tillë, deputetja më e re e Kuvendit të Kosovës nga radhët e PDK-së Sala Jashari që ishte krah, Deharit u dëgjua duke i thënë që mos t’ia ndërprente fjalën pasi është e drejtë e saj të shprehet.
“Mos ja ndalo, e ka të drejtën e saj me folë”, i’u drejtua Sala Jashari kryesuesit Dehari. /Njeshi/
