Kryeinfermierja e Repartit të Ortodedisë, e njohur si motra Dritë, e cila ndërroi jetë më 5 Nëntor, me orë komemorative është kujtuar edhe në Spitalin e Përgjithshëm Rajonal të Pejës.
“U përkujtua motra Dritë që ishte dritë për pacientët në nevojë, dhe personelin tonë.”-thuhet në përkujtimin e Spitalit.
Kolegët, miq e familjarë të të ndjerës në këtë përkujtim të organizuar nga Spitali i Përgjithshëm në Pejë, evokuan kujtime dhe folën për punën e palodhur të motrës Dritë.
Në emër të Spitalit të Përgjithshëm në Pejë për jetën dhe veprën e të ndjerës, foli Dr. Fazli Shala Drejtor Ekzekutiv, pastaj ish Shefi i Ortopedisë Dr.Nazmi Morina, Shefi aktual i Ortopedisë Dr. Florim Bajraktari, Drejtoresha e Infermierisë Arigona Nikçi, dhe kolegia shumë vjeçare e së ndjerë Hidajete Krasniqi.
Nga Baskësia e Motrave Krishtere ku motra Dritë shërbeu gjatë jetës, të pranishmit dëgjuan një fjalim për jetën dhe veprën e së ndjerës. Kujtimi për Motrën Dritë do të jetë i përjetshëm!-u tha në këtë mbledhje./Njeshi&RADIO 1/
