25.6 C
Pec
E diel, 16 Qershor, 2024

Murati thotë se numri i bashkatdhetarëve që po kthehen të investojnë e punojnë në Kosovë po rritet

Ministri i Financave, Punës dhe Transfereve, Hekuran Murati, ka thënë se numri i bashkatdhetarëve që po kthehen të investojnë e punojnë në Kosovë po rritet dita ditës.

Përmes një postimi në Facebook, ai ka pretenduar se këtë po e shohin në të gjitha sektorët.

“Numri i bashkatdhetarëve që po kthehen të investojnë e punojnë në Kosovë po rritet dita ditës. Këtë e shohim pothuajse në të gjithë sektorët – duke filluar nga shërbimet digjitale, energjia e ripërtërishme, e deri te bujqësia”, ka shkruar Murati të dielën.

Më tutje, ai ka thënë se do të lansohet një instrument i  ri që do të mundësojë katalizimin dhe rritjen e mëtutjeshme të investimeve të mërgatës në Kosovë.

“Sepse bashkatdhetarët tanë e njohin potencialin zhvillimor të vendit më mirë se cilido investitor tjetër i huaj”, ka deklaruar Murati.

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...