Artan Lame është ndarë nga jeta në moshën 58-vjeçare. Mësohet se Lame ndërroi jetë në Mynih ku kishte shkuar për një ndërhyrje në zemër.
Artan Lame drejtoi për disa vite Agjencinë e Legalizimit, Urbanizimit dhe Integrimit të Zonave Informale (ALUIZNI), si dhe mbajti poste të tjera shtetërore, në qeverinë e Partisë Socialiste.
Au ishte publicist, opinionist, studiues i historisë shqiptare dhe një veprimtar për mbrojtjen e trashëgimisë kulturore të vendit.
Dhe kryeministri i Shqipërisë, Edi Rama shpreh ngushëllime familjarëve për vdekjen e Lamës.
“I pabesueshëm, po fatkeqësisht i vërtetë lajmi i befasishëm i ndarjes nga jeta të Artan Lames. Jam pa fjalë. Ngushëllime Mirelës, djalit të tyre dhe familjes e shokëve të përbashkët”, ka shkruar Rama. /Njeshi/
