Kosova dhe Maqedonia e Veriut kanë nënshkruar tri marrëveshje të reja bashkëpunimi.
Pas mbledhjes së përbashkët të dy qeverive në Prishtinë, ministrat përkatës kanë nënshkruar marrëveshjet në fushën e energjisë dhe atë të arsimit, si dhe një protokoll teknik për lehtësimin e lëvizjes së lirë.
Kryeministri i Kosovës, Albin Kurti, tha paraprakisht në mbledhjen e përbashkët se ato do të zbatohen nga janari 2025.
Ai tha se Kosova dhe Maqedonia e Veriut kanë nënshkruar mbi 50 marrëveshje dhe memorandume gjatë 15 vjetëve që prej vendosjes së marrëdhënieve diplomatike.
Marrëveshjet, Kurti tha se “na kanë afruar edhe më shumë me njëri-tjetrin”, por shtoi se “ajo ku duhet të theksojmë më shumë, është zbatimi i tyre i plotë dhe i përpiktë”.
Marrëveshja e parë u nënshkruar mes ministrit të Brendshëm Xhelal Sveçla dhe homologut të tij maqedonas, Pançe Toshkovski.
E ministrja e Ekonomisë, Artane Rizvanolli dhe ministres së Energjisë, Minierave Minerale të Maqedonisë së Veriut, Sanja Buzhinovksa, nënshkruan momerandumin e radhës.
Ministrja e Arsimit, Arbërie Nagavci, dhe homologia e saj maqedonase, Vesna Janevska nënshkruan edhe marrëveshjen e fundit ndërmjet dy vendeve./Njeshi/
