22.9 C
Pec
E shtunë, 13 Korrik, 2024

Netflix largon nga tregu pakon bazike, fansat të frustruar me gjigantin e transmetimit të filmave

Është e sigurt të thuhet se shumë përdorues të Netflix nuk janë të kënaqur me ndryshimet e fundit në platformën e transmetimit. Përkatësisht, për përdoruesit në ShBA dhe Britaninë e Madhe është anuluar paketa më e lirë e abonimit dhe ende nuk dihet nëse kjo do të ndodhë edhe në vendet e tjera të botës.

Netflix është ndoshta platforma më e njohur e transmetimit të filmave në botë, prandaj ndryshimi i fundit në platformë shkaktoi një ortek reagimesh. Përveç përmbajtjes së shumtë të serialeve dhe filmave, përdoruesit nuk janë të kënaqur me planet e reja të abonimit që hynë në fuqi në fillim të këtij muaji. Në fillim të korrikut, Netflix përfundoi zyrtarisht planin e tij bazë pa reklama për abonentët e rinj në ShBA dhe Mbretërinë e Bashkuar.

Duke pasur parasysh këtë, duket se disa abonentë që ishin në këtë plan dhe e anuluan atë, nuk mund të hynin në përmbajtjen e Netflix derisa të skadonte abonimi i tyre.

Një përdorues i pakënaqur u ankua në Twitter, duke shpjeguar se megjithëse abonimi i tij është aktiv deri më 13 korrik, ai nuk mund të shikojë asgjë në Netflix sepse plani i tij bazë është anuluar. Në vend të kësaj, ai u ftua të paguante për një paketë më të shtrenjtë abonimi.

“Netflix nuk do të më lejojë ta përdor atë për javët e fundit të paketës sime pa u ri-abonuar”, shkroi ai në Reddit së bashku me një pamje të ekranit, duke thënë se nuk kishte “asnjë opsion për të vazhduar shikimin pa zgjedhur një plan të ri”.

Shumë shkruan se diçka e ngjashme u kishte ndodhur atyre dhe se ata po planifikonin të anulonin plotësisht abonimin e tyre.

Nuk dihet nëse Netflix po planifikon t’i përhapë këto ndryshime në platformë në pjesën tjetër të botës. Plani i ri “Standard me reklama” kushton 5,99 dollarë në ShBA, ndërsa opsioni “Standard” kushton 16,49 dollarë. Ky është një opsion pa reklama me HD të plotë dhe mund të transmetohet në dy pajisje njëherësh.

Në Ballkan, plani bazë i abonimit kushton 4,99 euro, standardi 7,99 euro dhe paketa më e shtrenjtë është 9,99 euro në muaj. /Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...