E premjtja e 27 shtatorit, rezultoi të jetë tejet e suksesshme për Policinë dhe Prokurorinë e Pejës.
Në zonë malore midis dy fshatrave të Klinës u gjet një sasi e konsiderueshme e drogës, e llojit “Kanabis Sativa”.
Pesha e saj llogaritet të jetë mbi 2 tonë, sipas organit të akuzës.
Lidhur me rastin është arrestuar një i dyshuar, derisa janë identifikuar edhe persona të tjerë ku autoritetet po punojnë intensivisht për t’i kapur ata.
Prokuroria i ka siguruar fotografitë dhe emrat e të dyshuarve.
Për të rejat e megaoperacionit, ka folur zëdhënësi Shkodan Nikçi.
“Droga e sekestruarta del të jetë mbi dy ton, me gjasë pas matjeve përfundimtare do jetë edhe më shumë se kaq. Pra, nga aksionin i datës 27 shtator, sasia dhe vlera e drogës rezulton dyfish më e madhe.”-tha Nikqi.
Ndryshe, siç raportoi ‘RADIO 1’ edhe në ditën e aksionit, ky megaoperacion u drejtua nga Prokurori i Krimeve të Rënda, Ersan Qavolli./Njeshi&RADIO 1&KlanKosova.tv/
Dogana konfirmon aksion të përbashkët me ATK-në në dhjetë lokacione në Pejë
