Gjykimi ndaj ish-krerëve të UÇK-së është duke vazhduar në Hagë. Pas përfundimit të dëshmisë nga dëshmitarja e parë e ZPS-së, ka nisur dëshminë dëshmitari i dytë W02652.
Dëshmitari fillimisht bëri betimin solemn.
Gjykatësi Charles Smith tha se intervistimi i dëshmitarit do të zgjasë pesë ditë.
“Fillimisht prokuroria do t’iu bëjë pyetje së pari e pastaj mbrojtja e viktimave dhe në fund mbrojtja e të akuzuarve. Prokuroria ka vlerësuar se i nevojiten 7 orë për të marrë në pyetje, mbrojtja e viktimave ka kërkuar vetëm 15 minuat, ndërkaq mbrojtja e të akuzuarave ka deklaruar se i duhen 12 orë për tu marrë në pyetje”, tha Smith.
Pas kësaj është kaluar në seancë të mbyllur për publikun. /Njeshi/
